🥜 無添加手工花生醬推介🥜
多謝同學仔報料，叫我試呢三間嘅手工花生醬😍我食完就知道點解三間都各自有粉絲，因為三間都各有特色 (官方答案咁😂)
試咗就咁食同埋搽包包，下面全部都係我嘅個人感覺，但係盡量做到中肯嘅☺️歡迎同我討論😍
The Nutter Company
@thenuttercompany
‼️味道最香最濃‼️
‼️搽包煮餸最好‼️
‼️最抵食‼️
📌$68/ 320g
📌 成份: 印度花生
一向重口味嘅我最鍾意係呢個品牌！佢嘅烘焙度比較高，所以花生味好出，重視味道嘅話應該會鍾意佢！
而可能因為烘焙得耐，所以花生醬嘅口感就會比較乾身，Smooth 同Crunchy都有粗粒，就咁食嘅話會有少少漿口 (但我鐘意🤣)，但用嚟麵包或者整餸，花生嘅味道係非常突出，我用佢嚟整花生Burnt係勁似花生醬雪條嘅味😍
另外佢仲有好少見嘅碧根果仁醬😍Pecan 有少少焦糖咖啡味，勁鐘意！！
Manut
@manut.hk
‼️最幼滑‼️
‼️最啱就咁𢳂嚟食‼️
📌$88/ 380g
📌 成份: 美國花生
唔知大家有冇留意到the Nuttist改咗名啦😍佢哋嘅smooth係堅smooth，睇相就知道，一啲顆粒都冇，就咁食係會充斥成個口腔，大家鍾意就咁𢳂醬食嘅話可以試呢個，但用嚟搽麵包或者整菜式，花生味就會唔明顯。
補充一句，我覺得佢最正嘅係腰果醬，真係好香好甜，不過生酮酮學仔就唔好食咁多啦！
P.S. 花生醬比我食晒，所以呢輯相我係影腰果醬
Nuttie B
@nuttie.b
‼️最適合新手 ‼️
‼️最有特色茶味醬‼️
📌$78/ 280g
📌 成份: 花生，海鹽
Nuttie B嘅PB好似得Crunchy! 係做到底幼滑而有粗粒花生，不過我覺得花生粒粒可以再脆口啲。佢烘焙度唔高，花生食落甜甜地，適合初初嘗試無糖花生醬嘅朋友，但係我自己覺得味道唔夠突出，用嚟搽包或者撈其他野就覺得太淡。店主加咗啲海鹽落花生醬，但係可能有啲唔平均，有時會識到好大嚿鹽🙈
另外店主喺腰果醬度加入日本嘅茶粉，整咗抹茶同焙茶醬。腰果係nuts入面算多甜味，所以就算唔加糖都ok，但我覺得兩樣野嘅chemistry唔大，鍾意天然同茶控味道嘅應該可以試吓！
Search